Pue que lleves años viendo Pantomima Full en formatu dixital, pero tu, que si tas lleendo una reseña ye porque yá tienes una edá, sabes perfectamente que les coses feches a mano tienen un valor especial. Qu’onde tea lo artesanal, que se quite lo industrial. Yá pagues trés euros y mediu por un pan d’escanda, dos cincuenta por un café d’especialidá acabante moler y diez por un cóctel que’l so valor añadíu ye que’l camareru lleva tirantes y el vasu ye un pexe. Paeznos que merez la pena pagar un pocoñín por ver estos rapazos faciendo les sos bromines de forma manual, ensin edición, ensin cortes, namás tu y ellos. Puru productu. Dir a venos tamién encaxa na imaxe que quies dar de ti mesmu. Déxate timar por nós tamién.

Pantomima Full, hecho a mano ye’l tercer espectáculu de Pantomima Full.

Tan malu nun será si la xente yá tragó’l primeru y depués el segundu. Ufierta más de lo mesmo, esto ye asina, atopemos una fórmula que nos funciona y vamos saca-y hasta la cañamina. Ye lo que diba facer cualquiera. Polo tanto, si t’apetez tar una hora y media viendo monólogos sobre los asuntos de los nuestros vídeos y sketches colos nuestros personaxes, saca una entrada. Otres coses valen más y piénseslo menos. Nunca na vida lleísti la reseña d’unos vaqueros.

Gracies.